Wat doen jy? 

Vanmore word ek wakker.  Windstil dag en ek besluit sommer dadelik om Witvos bietjie uit te vat. Ek kry min die geleentheid en aangesien skoonma’le by ons is gryp ek die geleentheid aan.

Ek toer lekker seelangs tot by Melkbos. Langs die pad by Ons Huisie het ek ‘n karretjie gesien wat koffie verkoop. ek draai toe terug want die karretjie het my nuuskierig. Kry vir my ‘n lekker cappuccino en gaan sit rustig op die bankie daar naby.

Daar kry ek hierdie inspirerende woorde. Ironies aangesien ek in die volgende paar weke storms gaan trotseer. Op die strand is daar paar vroue besig om die strand skoon te maak. Tel plastieksakke ens op en gooi dit weg. Nou is my vraag? Wat doen jy?? Vir Moeder Natuur? Tel jy ook sakke op om ons wêreld mooi skoon en netjies te hou? Of is jy die een wat dit strooi? Gaan jou sigaretstompie by die ruit uit of gaan gooi jy dit in ‘n drom? 

Ons is geneig om te vergeet hoe lekker “the simple things in life” is. Dit draai toe uit dat die vrouens elke more joga op die strand doen. En net so terloops was daar ‘n man of 2 ook by. 

In die ratrace vergeet ons om te gaan sit en net koffie of hot chocolate langs die see te drink. Sonder om oor die volgende 30min te worry. 

Iemand het eendag vir my gesê, in die ratrace maak dit nie saak of jy eerste of laaste is nie, jy bly n rot. Ware woorde. Dit laat my sommer terugdink aan gister.

Ek gaan koop parte by ‘n bekende plek in Brackenfell en vir die afgelope 8 jaar wat ek in die Kaap bly is daar n mannetjie agter die toonbank. In die paar jaar wat ek daar kom het ek hom nog nooit nors of moeilik gesien nie. Altyd ‘n glimlag. Gister sien ek hy is bietjie opgewerk en vra toe wat skort? Sy antwoord? Hier het nou net ‘n ou verbygekom wat vir my gesê het ek is nors en dat ek moet harder werk sodat ek kan opbeweeg ens. Sulke mense laat my altyd verbaas terugstaan. My vraag aan die jongman, Geniet jy wat jy doen? Sy antwoord was ja. Toe sê ek vir hom: “If you like what you do, you will never work a day in your whole life.” Het hom gesê om die ou se opmerking agter hom te sit want ek het in my tyd hom nog nooit nors of onvriendelik gesien nie. 

SO! WAT DOEN JY? Breek jy jou medemens af? Geestelik? Emosioneel? Of bou jy hulle op?

Meeste mense dink as ek meer verdien gaan ek gelukkig wees. Meer verdien kom teen ‘n prys. Die prys is gewoonlik tyd. Gaan sit bietjie en praat met die ou by wie jy jou koffie koop langs die strand.

Ons is so gekondisioneer om die blaam te verskuif na iemand anders sodat ons tog net nie sleg lyk nie.

My vraag bly: Wat doen JY???

3 thoughts on “Wat doen jy? 

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s