lekker Sondag

Vandag het ek vroegtydig bietjie my verjaarsdag gevier. Manne en dames het van heinde en verre gery. 

Ons het die roete gevat Baden Powell rylaan toe. Wat ‘n mooi stukkie pad. Op die rug van ‘n motorfiets ervaar mens die lewe net anders. Ervaar jy die natuur op ‘n ander manier. Vandag terwyl ek soos ‘n uitbundige tiener al langs die see af ry, kyk ek na die berge, die see, mense wat saam met hulle families sit en braai en kuier.

In Muizenberg en Kalkbaai loop die mense luilekker op die strand en langs die pad. Op daardie stadium tref die realiteit, ons bly seker in een van die mooiste plekke in die wêreld. 

Hoe geseënd is ons nie. En dit met die klein dingetjies. Ons kan sien, hoor, proe, voel, loop. 

Kaapstad, divers, beeldskoon. Die mense en hul dinge laat mens besef dat ons eintlik so wonderlike land het. Soveel kulture en tog leef ons almal in hom. Daar is sekere dinge wat my ook maar soms die bliksem in maak, maar die afgelope tyd werk ek hard daaraan om meer gematig te wees.

Ons het vandag n lekker klomp pelle opgetrek na Lekker restaurant in Kalkbaai.  Ek en Chantelle het al n vorige keer daar geëet en ek het sommer vooraf met Abraham Coetzee die eienaar gereel dat ek my klomp pelle wil deurbring vir n lekker kuier. Needless to say het ons vrek lekker gekuier. Ek het my hartsmense om my gehad.

Min dinge so lekker as om die dag op jou skoeter te spandeer, met goeie vriende ‘n slag op te vang. Die week weer besef die lewe is kort. Gaan huur daai Harley vir ‘n dag en gaan ry. Klim in jou kar en gaan wees n toeris. In jou eie land. Stop, stap, explore!
Matewis oor en uit 

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s