Karoo Kinkels

Soos julle reeds gelees het uit die vorige blog – Weskus Hokkie Weskus Hemel was die trippie na Die Hel reeds in wording en eintlik klaar beplan. Verblyf was effe van ‘n issue maar die stofpad gode het gekyk na ons en dinge so laat uitwerk soos ek oorspronklik wou ry.

Van die begin af het 5 man vasgemaak, en 3 moes nog toestemming by die regering(pantoffel), die werk, of die bankbestuurder kry. Dus was ons ‘n vyfmanskap. Ek, Spykerkuif, Hommel, Wikkels en Callievallie. Zack het onder groepsdruk geswig en sommer sy geld ook betaal. En toe word ons 6. Almal het sommer dadelik hulle gelde oorbetaal en die plekke is almal betaal en bevestig. Die roete het in die aanloop so 2 keer verander en actually langer geraak as wat oorspronklik beplan is. Als moes reg wees. Pannier racks en self-opblaasmatrasse is ingevoer uit Port Elizabeth, spotlights is aangesit op fiets, nuwe bande is gekoop en oorgetrek. Fietse is gediens, remme vervang als in afwagting op die naweek van die 29ste April.

DSC_0158

VLNR: Hommel, Kat(Ek), Spykerkuif, Sak, Callie, Wikkels

Daar is besluit ons moet ‘n braai hou. Sodat almal weet wat om te vat en sodat ons nie dupliseer nie. Spasie is beperk en elkeen wil net die nodige saamry. Vrydag aand 8 April kom ons almal toe bymekaar vir ‘n braaitjie met ‘n slaaitjie. Spykerkuif het die manne almal ontmoet, vrouens het in die kombuis vergader en die kinders het die hele werf vol baljaar. Lang storie kort het ons so lekker gebraai dat ons teen 2:15 die volgende oggend nog steeds nie eintlik oor die benodighede vir die trip gepraat het nie. Almal die volgende dag die GS Trophy challenge gaan kyk het by Zone 7. Ons almal was dit eens dat ons een ding weet. Elkeen ry met sy eie fiets. Dis nou vroeg Sondag-oggend 17 April soos ek hier sit en skryf. Ons weet nog steeds nie wie vat wat nie. Whatsapp sal maar later ingespan word om gou die ou dingetjies te reel

Ek het ook so onder die radar die volgende 2 fotos gekry.

Nou kyk, as ‘n man al 3 weke voor ‘n trip sy fiets so pak dan is hy lus vir ry. Of hoe Spykerkuif??
Ons het gou ‘n bymekaarkoms gereël by Kriges en net die laaste fynere detail bespreek. Met elkeen wat weet wat hulle moet bring is ons uitmekaar en het die dae begin aftel tot Vrydag. Ek was in die bevoorregte posisie om van die Woensdag al af te wees en het bietjie dinge rondom die huis gedoen en so stadig my fiets begin pak. Die idee was om Donderdag middag deur te ry Worcester toe, vinnige koffie by my ouers en dan deur na Spykerkuif waar ek die aand sou oorslaap.

DSC_0003 DSC_0004 DSC_0005
Daar was ‘n ernstige weather-warning uit vir swaar reën en wind en selfs sneeu op die hoërliggende dele. Ek het die weer angstig dopgehou en sommer by voorbaat al my bagasie in swartsakke gesit. Die aluminium saalsakke is ‘n redelike duur uitstappie en moet nog aangepak word. Ek het vir Chantelle gegroet en in die pad geval. Witvos gou vol petrol gestamp en die stuk ingesit Worcester toe. Pas oor. Net so aan die begin van die pas kom ek agter Witvos se flikkerligte is dood. Asook die spotlights en my dashboard ligte. Ek het maar vandaar ernstig die regteroor gedraai sodat ek nog gou by my ouerhuis die tenk kon afhaal en kyk wat fout is. By die huis gekom was dit 5 minute toe is Witvos se tenk af en al die drade en plugs ensovoorts op hande om gou te kyk wat is fout. Pa het ‘n multimeter uitgepluk en begin lesings vat. Moet sê dis een ding wat ek love van my 1150, hulle is BAIE maklik om aan te werk en jy kan met min moeite by als uitkom.

Ek het onlangs aangesluit by ‘n nuwe groep manne wat ook almal 1150’s ry. Een vragie en 2 antwoorde later het ek die fout gekry. Gotta love the 1150 Owners group!!  Vinnige trippie Autozone toe, R97 en ‘n nuwe relay verder is Witvos weer belig soos ‘n vliegtuig wat kom land. Ek het een van moeder se befaamde panbroodjies gehap, lekker rustig koffie sit en drink en gou bietjie opgevang. Skuins voor 6 het ek gegroet en die kort rit gevat na Spykerkuif. Die weer het ernstig begin opsteek en die wind het ook baie opgetel. Ek en Spyker het lekker vuurtjie aangesteek en ‘n Kapteintjie genuttig soos ons gebruik nou al geraak het as ons saamkuier. Robert (Old School Biker) het ook ingeloer en kom hallo sê.

DSC_0007 DSC_0006

Ons het ‘n lekker worsie gebraai vir hotdogs en so met die braai saam het die druppels begin val. Ek sit en hou al vir ‘n maand lank die weer dop en het geweet hierdie gaan ‘n groot storm wees maar hy gaan vinnig oor wees. Ek het die manne mentally voorberei op ‘n nat Vrydag op die fietse asook redelik wind.

Deur die loop van die nag het ek maar min geslaap. Dis gewoonlik so voor ek ‘n trip aanpak maar met die weer wat so goor gelyk het was ek net nog meer on edge. 3 Manne, Zack(Sak), Carel(Callievallie), en Wikus(Wikkels) moes die volgende oggend 5:00 uit die Kaap ry.

Skuins voor 5 het die foon begin mal gaan met boodskappe en jaloerse manne wat laat weet ons moet dit geniet ensovoorts. Die manne was oppad en ek en Spyker het ons eerste beker koffie deurgewerk. Die manne het almal veilig arriveer.

DSC_0008

Almal behalwe Hommel. So teen 6:33 kry ons ‘n boodskappie. Ek ry nou. Net na 7:00 bel ek vir Hommel. Hy is nou in Villiersdorp.

Met die dat ons wou wegtrek by Spykerkuif wil Sak se fiets nie start nie. Gou jumper kabels uitgehaal en daar dreun die ou weer.  Ons het afgesit Laerskool Worcester Oos toe. My alma mater en ‘n skool waarheen ek tot vandag toe nog gereeld teruggaan. My moeder is ‘n Graad R onderwyseres daar en hulle tema vir die week was beskermende klere.  Ons het bietjie ons klere vir die kinders gaan wys sodat hulle eerstehands kon sien en voel hoe ons aantrek.

11259082_1691126911150219_1375335442541404061_o 13071730_1691127414483502_293333804905748811_o 13071805_1691126337816943_811393580549442302_o 13086860_1691126297816947_7765238917397957987_o 13112845_1691127311150179_2047678562701455030_o  13122974_1691126424483601_2779767685469239019_o DSC_0012 DSC_001313115993_1691126704483573_4728743589430500880_o

Hommel het met groot gejuig ook die pad gevind tot by ons en het toe sommer ingestaan sodat die kinders kan sien hoe lyk iemand met al hulle klere aan.

Intussen is daar besluit Sak se skoeter kort ‘n nuwe battery. Goukyk toe is die ou battery uit en my pa en Sak oppad om ‘n nuwe pas-aangeeër vir die fiets te soek.

20160429_074911

DSC_0010 DSC_0009 DSC_0015

Soos julle kan sien kyk Sak se vrou mooi na sy vel. Nivea for men nogal!!

20160429_081708

Kinders het intussen na ‘n fotosessie weer hasepad gekies terug klassies toe en my ma het koffie aangedra om bietjie die koue te verjaag. Sak en my pa het teruggekom en so gou soos nou het die fiets weer gedreun. Die ooppad het ons almal geroep en ons het padgevat rigting Matjiesfontein. Net buite Worcester het die reën so saggies begin uitsak. Van bo-op Hexrivier pas was dit aansienlik harder tot in Touwsrivier. Hier was reeds ‘n paar fietse onder die skadu-nette ingetrek en ons het gou die tenke vol petrol gemaak.

20160429-IMG-20160429-WA0013

Van Touwsrivier af het ons BITTER swaar gery. Dit het sommer ernstig gereën en die pad was baie besig. Wat dit erger gemaak het is die trokke. Die risiko om verby te steek verdriedubbel as gevolg van die sproei wat die trokke se wiele opgooi.  Matjiesfontein se afdraai kon nie gou genoeg opduik nie.

Op Matjiesfontein het ons ‘n welverdiende koppie koffie gesoek. Die koffie raak toe sommer 6 cappucinos. Iemand bespeur toe ‘n biltong broodjie en dit raak toe 6 biltongbroodjies. Dit sou die verloop van die naweek geword het. WANT. Ons is mos maklike mense.

20160429_103012 20160429_100407

20160429-IMG-20160429-WA0015  DSC_0018DSC_0022 DSC_001620160429_104510 DSC_0017  DSC_0019 Ultimate_HDR_Camera_20160429_100821

In die reën het ons arriveer, in die reën het ons vertrek. Van Matjiesfontein noord in die rigting van Sutherland het ons omtrent konstant teen ‘n FRIS wind gery wat gepaardgaan met reën. Van voor. Ons het op ongeveer 10km van die hele stuk pad tussen Matjiesfontein en Sutherland nie reën gehad nie. Met ons aankoms op Sutherland het ons sommer direk petrolpompe toe gery en volgemaak. Witvos se petrolverbruik is normaalweg rondom 17km/l, hierdie wind/reen episode het my te staan gebring op 14.62km/l.

20160429_123202

Wat is ‘n besoek aan Sutherland dan nou sonder ‘n besoek aan die hotel. In die hotel het ek sommer dadelik tuis gevoel. Die bar in die hotel duidelik deel van my gemaksone as mens na sy naam kyk.

DSC_0024  DSC_0026

20160429_125223

20160429-IMG-20160429-WA0023

Na ‘n lekker Kaptein en Coke het ons Sutherland vaarwel geroep. Volgende bestemming Merweville.

20160429_133408 20160429_133434

Oppad na Merweville het ons grondpad gevolg. Aanvanklik was niemand vreeslik opgewonde om bande af te blaas nie en ek het sommer voorgevat en gery. Daar het so regte fyn Kaapse reentjie uitgesak. Net genoeg om jou gesig nat te maak as jou visor oop is, net te min om die water te laat afloop as jou visor toe is. Dit het die ryery bemoeilik. Ons het toe die reën skietgee gestop en toe word daar bande afgeblaas.

DSC_0027 DSC_0032

20160429_142933 20160429_142305

Ons is Rammelkop pas in die reën af en ek moet sê dis nogal iets om te beleef. Aan die onderkant van die pas het ons net gestop om weer te regroup. Ek het al staande aangery gekom, gestop, steeds staande(fout nommer 1) en die handvatsels ‘n aks na regs gedraai(Fout nommer 2). Witvos het liggies na regs gekantel ek het gou wydsbeen my voete geplant gekry en die fiets probeer regop hou. Nou 250kg kan jy net vir so lank ophou. Ek het boedel oorgegee en Witvos so sag moontlik laat val en gespring. Witvos het mooi op sy sy gaan lê(dankie vir crashbars). Voordat die kameras nog uit was het Spykerkuif my alweer gehelp om hom op sy wiele te kry. Ek was die eerste casualty vir die naweek.

20160429-IMG-20160429-WA0036 20160429-IMG-20160429-WA0038 20160429-IMG-20160429-WA0034

Die res van die rit het sonder voorval verloop tot in Merweville.

20160429_143750 20160429_143753 20160429_143829 20160429_142943 20160429_143743

Merweville was eintlik vir my nogal ‘n hoogtepunt aangesien ek die tv-reeks Die Boekklub slaafs gevolg het. Ongelukkig met die weer het ons nie vreeslik tyd in Merweville spandeer nie. Ek wil defnitief teruggaan en sommer een aand in die dorp oorslaap en verken. Dis nogal ‘n mooi klein dorpie en die kerk is prominent soos in amper enige Karoodorpie. Ons het voor die kerk stilgehou vir ‘n vinnige foto-sessie.

 

DSC_0036 DSC_0041 DSC_0043

By die kerk is daar ‘n oorgang oor die kanaaltjie vir voetgangers. Sak het die voortou geneem en het sommer hier oorgery. Ek het gevolg en Hommel het besluit hy kan nie agterbly nie. MAAR. Hy het vergeet van sy panniers. Daar was ‘n dowwe knal en Hommel het sy linkerkantste pannier bietjie karakter gegee. Gelukkig was daar geen ander skade nie. Die plan was om grondpad langs te ry tot by Leeu-Gamka. Tyd het ons ingehaal en ons moes maar die teerpad vat tot by Prins Albertweg. Vandaar was dit reguit Leeu-Gamka toe om die nodige koeldrank ens te kry vir die aand. Ons is weer terug in die rigting van Prins Albertweg en het die Kruidfontein afrit gevat Abrahamskraal toe.

Vriende van my ouers besit Abrahamskraal en het dit omskep in een van die mooiste trou venues en ‘n prag gasteplaas. Een ding van die Karoo, maak nie saak waar jy jou bevind nie, die agtergrond is die perfekte backdrop vir ‘n mooi foto. Met die aankom op die werf het oom Johan sommer aangestap gekom. Ek het sommer dadelik tuis gevoel toe ek gegroet word met sy kenmerkende stewige handdruk en hy wat altyd sê: “Matthee, welkom hier by ons”.  Die manne het hulself sommer voorgestel en oom Johan het ons sommer gaan wys waar ons kampplek vir die nag is.

DSC_0045 DSC_0046 DSC_0048 DSC_0044

Om als in perspektief te bring het ek sommer paar fotos ingesit van hoe Abrahamskraal gelyk het 7 jaar terug. Ek het met skok verneem die laaste keer wat ek op die plaas was, was met my pa se 60ste verjaarsdag.

103_7154 103_7156 103_7157 103_7162

EENDAG, sal ek my eie karoo huisie hê

103_7166

Bo die einste saaltjie waarin ons geslaap het

103_7206

Oom Johan heel regs

103_7209 103_7214 103_7218 103_7244

Ons het van lank voordat daar enige sprake was van ‘n gastehuis gereeld naweke hier op die plaas kom spandeer. Toe was daar geen krag, warmwater het gekom van ‘n donkie buite die huis en kerse vir lig. As kind het ek geleef vir hierdie naweke, want daar is skaap gewerk, gebraai en teiken geskiet. Hopelik kan ek eendag my kind dieselfde bied en so in die natuur grootmaak.

Oom Johan het gedagte gekry en gese as ons wil kan ons sommer in die saaltjie slaap, dan hoef ons nie tente op te slaan nie. Hierdie was ‘n heavensent en almal het sommer dadelik ingestem. Ons is die saaltjie gewys en die manne het sommer vinnig begin afsaal. Ek het vir tannie Hestie raakgeloop en eers bietjie gesels. Haar seun Dihan en sy verloofde saam met die toekomstige skoonfamilie het na die trou-venue kom kyk.

Een ding wat ek van my ma geerf het is die feit dat jy eerste sukkel om jou slaapplek reg te kry. Sy, en so ook my ouma het altyd gesê: “My kind, voordat jy enige iets doen, sorg dat jou kooigoed reg is.”

DSC_0051

IMG_7428 20160429_173616 20160429_192255 20160429_192258 20160429_192312 20160429_192329 20160429_205945 20160429_173606

Ons het vooraf met tannie Hestie gereel vir ietsie vir die binneste en allamapstieks. Was dit nou ‘n lekker affere! Lekker dikgesnyde skaaptjops, boerewors, aartappelslaai, wortelslaai en natuurlik roosterkoek!! Ons klere was goed nat en wat is dan nou beter om klere droog te maak as ‘n lekker vuur. Spykerkuif het vir ons die chops meesterlik gebraai en ons het soos konings geeet. Na ‘n laaste koffietjie het ons gaan inkruip. As ek so na die snorkery geluister het, het almal van hulle motorfietse gedroom en dreungeluidjies gemaak. Sommige van die manne met free-flow pype en ander met standaard uitlaatpyp.

Ultimate_HDR_Camera_20160430_065831 Ultimate_HDR_Camera_20160429_173847 Ultimate_HDR_Camera_20160430_065112 Ultimate_HDR_Camera_20160430_065127

20160430_084711 20160430_084714 20160430_074419 20160430_074436 20160430_074458 20160430_084656 DSC_0080 DSC_0054 DSC_0056 DSC_0058 DSC_0062 DSC_0067 DSC_0072 DSC_0076

Na ‘n goeie nagrus en lekker oggend koffie het ons so stelselmatig begin oppak. Die aanvanklik plan was om Meiringspoort te gaan ry Saterdag oggend maar deur die loop van die aand se braai het dit verander. Ons gaan Prins Albert bietjie verken en so ligte rusdaggie vat. In retrospek ‘n baie goeie besluit aangesien ons dan die slaghuis nie oop sou kry nie. Met die oppak het ons besluit om so laaste foto by Abrahamskraal se oorspronklike hek te neem. Nou die hek het ‘n baie unieke storie. In die verloop van elke troue wat op die plaas gehou word, gaan die paartjie en hang ‘n slot met hulle name en die datum op die hek. Indien daar kinders gebore word en hulle kom dan weer op die plaas word daar ‘n klein slotjie aan hulle slot gehang.

 

20160430-IMG-20160430-WA0012 20160429-IMG-20160429-WA0044 DSC_0082 DSC_0083 DSC_0084 DSC_0085 DSC_0086 DSC_0087 DSC_0088 DSC_0089

Natuurlik moes ons ‘n foto kry by die ingang na die plaas.

DSC_0098 DSC_0091

Die pad Prins Albert toe het gevoel soos teerpad. En ai, daai lekker walle so entjie voor die dorp. kan mos ‘n fietsie so effe airborne maak!!

In die dorp het ons eers so draai deur die dorp gery en toe besluit op die Coffee Shop langs die Hotel.

DSC_0100 DSC_0099

Aanvanklik kon niemand eintlik tot ‘n besluit kom oor wat hulle wil eet nie. Wikkels het prontuit gesê hy eet omelet. Op die ou einde van die dag, eet al 6 toe omelet, en al 6 cappucino!

Wikkels was so bevoorreg om in ‘n Kokkedoor bord bedien te word.

DSC_0102 DSC_0103

Reg oorkant die Coffee Shop het ek die bordjie Soetkaroo bespeur. Ek het voor die tyd gaan oplees oor goed om te doen in Prins Albert. Soetkaroo proe was hoog op die lys en ek moet sê dit is verseker ‘n stop werd.

Ons het gou gaan uitvind oor die proe-tye en vandaar ‘n draai gaan maak by die mini-olyffees op die skougronde. Ons is terug Soetkaroo toe en daar het ons sommer lekker wyn geproe.

DSC_0105 DSC_0101 DSC_0104 20160430_120309 IMG_7431

En so bietjie vrae gevra en meer geleer oor hierdie besonderse wyne. Ons het opslag ‘n bottel van Suzie se soetes gekoop want ons het geweet die Hel gaan koud wees. Ons het die motorfietse sommer net daar gelos en oor die pad gestap slaghuis toe. Ons het net gery toe ek nog ‘n 1150 bespeur. Dis manne wat op die 1150 Owners groep is. Ek het sommer net daar gestop en gaan bladskud. Eers bietjie gesels en toe kom gesels al die manne. Die arme manne is amper in die donker in die Hel af en Baviaans ook in die donker gery.  Was lekker om slag ‘n gesig by die naam te kon sit!

Die slaghuis was ‘n byenes van bedrywigheid. En net soos ek hou van ‘n plattelandse slaghuis. Klein en persoonlike aandag. Ons wou 6 T-bones hv maar met die fietsry die naweek op die dorp was die T-bene uitverkoop en daar het nog een so 4cm dik agter op die tafel gelê. Die manne het toe maar besluit op Rump. Ek het dwarsgetrek en gese ek soek daai T-bone. Nou ja ons het die steaks mooi gaan wegpak in ons fietse en gou na die plaaslike grocer gery. Moet sê dit was ‘n redelike teleurstelling. Geen brood, geen aartappels, geen uie, geen mushrooms. Needless to say eet ek nie steak sonder mushroomsous nie. 4 blikkies creamed mushrooms later was ons geholpe. Enigste probleem was geen kardoesies nie!! Zack en Carel het toe sommer gou plan gemaak met lekker pastaslaai wat ons van die rak af gekoop het. Cokes is in 1liter bottels gekoop aangesien dit baie makliker in gaatjies gepak kan word. Daar is gou plek gemaak op die fietse vir die kos.

Ons moes een laaste stop maak. Die Bushpub.

20160430_121941 20160430_122109 20160430_122055 20160430_122101

Een dop later het die berg geroep. Swartberg. Ons het koers gekies uit die dorp. Die fietsry was nog aan die gang en ons is gewaarsku dat ons maar moet op die uitkyk wees vir fietsryers wat berg-af kom.

Vir enige persoon wat nog nie die Swartberg pas gery het nie, is die eerste keer op ‘n motorfiets deur die pas intimiderend om die minste te sê. Ek is al met ‘n kar oor die pas, en op ‘n stofskoeter kom mens eintlik eers agter hoe baie jy mis. ‘n Motorfiets het geen dak wat jou uitsig belemmer nie. Deur die eerste waterdriffie het ons eers gestop. Soos mens dieper inry is dit asof ‘n wonderwêreld rondom jou ontvou en die berge letterlik oopskuif om jou in te laat in sy diepste donkerste geheime.

20160430_132538 20160430_132535 20160430-IMG-20160430-WA0035 20160430-IMG-20160430-WA0037 20160430-IMG-20160430-WA0039 DSC_0109 DSC_0106DSC_0107

 

DSC_0108

Die rotsformasies in die pas is werklik iets besonders. Ek sal nog weer deur die pas wil gaan teen ‘n nog stadiger spoed. Ons het so sporadies gestop op draaie waar mens mooi ver kan sien en mooi fotos kan neem. Groot was almal se verbasing toe ons ‘n frikkie oppad af teen die pas raakloop. MET ‘n RESIESFIETS!!! Offroad bande opgesit en die man pak wêreld!

DSC_0116 DSC_0111 DSC_0115

Oppad na die draaipunt was daar paar lekker hobbels en wat is dan nou lekkerder as om die oor so bietjie te draai as jy oor ‘n hobbel gaan. Al staande vind ek toe uit 3de rat en ‘n handvol regteroor op die regte tyd laat Witvos sy neus optel oor die hobbels en dan sit jy hom later weer sagkuns neer. MAN toe raak dit lekker. Ons het die boonste punt van die pas bereid waar ons moet wegdraai na Gamkaskloof, of soos dit beter bekend staan. Die Hel.

20160430_134831 20160430_142218 20160430_134943 20160430_135022 20160430_134943 DSC_0120

20160430_134901

KAAPSE KLOPSE HET NIKS OP MY NIE!

20160430_134921

Hier het ek my fiets amper vir die 2de keer neergesit.Met die reen was die grond baie sag. Ek klim rustig af en daar voel ek die fiets agtervolg my! Balanseer hom mooi op sy sidestand en toe kos dit alle krag om hom terug te druk op sy wiele! In die momentum het ek hom sommer vorentoe ook gestoot en seker gemaak hy staan op stewige aarde. Bietjie op in die pad was daar ook ‘n groep bikers. Ons het opgesaal en die rit in na Gamkaskloof het begin.

DSC_0123 DSC_0121

Die eerste gedeelte is bitter klipperig en ons het ‘n paar manne op fietse raakgeloop oppad in die Hel in!! Al trappende. Respek vir die manne en dame. Dit wil gedoen wees. Ons het agfetrek en die ander groep bikers laat verbygaan. Meestal 1200’s.

Met die stop het Spykerkuif gesien die een Coke op Sak se fiets spuit ‘n straal. Die hakkie het deurgeskuur en gemaak dat die bottel lek. Daar is ‘n paar watercrossings en ons almal is relatief maklik deur hulle.

Op die laaste draai voor die laaste sak tot in Die Hel het ons gestop. Dis ‘n goeie uitkykpunt oor die vallei asook om te sien of daar enige voertuie oppad uit is. Daar het ‘n V8 Diesel Cruiser teen die bult uitgekom en gestop. Ons gesê daar is nog ‘n paar karre oppad. Nou kyk, min dinge laat my hart vinniger klop. Maar daai Cruiser?? SJOE. Eendag.

Terwyl ons wag het ons die tyd gebruik vir ‘n paar fotos.

DSC_0153 DSC_0154 DSC_0155 DSC_0156 DSC_0157 DSC_0158 DSC_0159 DSC_0160 DSC_0126 DSC_0134 DSC_0135 DSC_0136 DSC_0137 DSC_0138 DSC_0139 DSC_0140 DSC_0141 DSC_0142 DSC_0143 DSC_0144 DSC_0145 DSC_0146 DSC_0147 DSC_0148 DSC_0152

Ultimate_HDR_Camera_20160430_151119 Ultimate_HDR_Camera_20160430_151729 Ultimate_HDR_Camera_20160430_151845 Ultimate_HDR_Camera_20160430_150957

Met die laaste voertuig verby het ons die kort en vinnige sak na die Hel gevat. Hierdie is regtig nerve-racking en prentjie-mooi terselfdertyd met kort draaie. Dis seker nog die langste wat my fiets konstant in 1ste rat gery het. Maar dit is hierdie pas se geheim. Haak eerste en vergeet van konstant rem. Laat die fiets se engine jou terughou. Gou-gou was ons by die ingang na Die Hel. Ons was effe onseker oor waarheen maar het sommer gou op die bord by die ingang gesien waar ons moet wees.

DSC_0162 DSC_0161

Ons het die kaart een kyk gegee en besluit om almal ‘n rigting in te ry en bietjie te verken tot een van ons ‘n geskikte kampplek kry. Ons almal het op ‘n kol by een plek gedraai. Sak het die draai nie so lekker gemaak nie en daar lê sy fiets op sy sy. Hommel wil toe ook gaan inspeksie doen. En toe eindig hy so op.

IMG_7447 IMG_7444

Got a little Captain in you? Apparently het Sak en Hommel!

Spykerkuif het vir ons ‘n lekker beskutte plek gekry onder die bome. Ons het sommer gou afgelaai en besluit om eers na die winkel laer af in die Kloof te ry vir hout. Met die fietse afgepak het ons gou die winkel besoek en sommer 6 sakke hout gekoop. Terug by die kamp het ons begin tent opslaan en ons kooigoed regkry vir die aand se slaap. Met die omliggende berge gaan die son al vroeg onder en dit gee mens ‘n totale verwronge idee van tyd. Ons het sommer met die stopslag die ketels aan die kook gesit vir ‘n lekker koppie boeretroos. Met die tente se opslaan het Hommel soos die vorige dag vir ons groot plesier verskaf. Sien, die man praat bietjie met homself so in die opslaan en ons het nogal probeer om dit op kamera vas te vang.

IMG_7449 DSC_0168 DSC_0169 DSC_0170 DSC_0171 DSC_0167

20160430_170425 20160430_170427 20160430_170442 20160501_094534

Net voor ons kon vuur opsteek het vriende van Sak ook daar aangekom. Hulle het dieper in die Kloof oornag en net gestop om gou hallo te sê. Toe hulle weer wou ry wou Zanie se fiets nie start nie. Running start het nogal sports opgelewer.

 

Nie lank na dit nie het Spykerkuif gou die fiets uitmekaar gehad en multi-meter uitgehaal en begin lesings neem. Dit het nie goed gelyk nie. Ons het die fiets ge-jumpstart en sodra die kabel van die fiets afgehaal word het hy gevrek. Ons het die nuus oorgedra dat hy ‘n nuwe battery gaan nodig hê om op eie stoom die Hel weer te verlaat. Intussen het Wikkels begin vuur maak.

20160430_221250IMG_7451 DSC_0174 DSC_0175 DSC_0177

‘n Omie van ‘n staanplek langs ons het seker gehoor die hout sukkel om te brand en het oorgestap gekom om hulp aan te bied aangesien hy kameeldoring uit die Kaap saamgery het. Ons het ‘n vermoede hy wou vroeg gaan slaap. Wikkels het rustig die steakies gebraai, ons het die mushroomsous op die gasstofies warm gemaak en die manne het sommer ingelê saam met die pasta-slaai.

20160430_210329 20160430_212104

Koningskos!!

Ons het weggelê aan die kos en later so skuins voor 12 die bed gaan opsoek. Na ‘n goeie nagrus het ons nogal vroeg geroer. Almal het eers so uit hul tente lê en gesels met mekaar. Niemand was werklik lus vir opstaan nie. Die eerste manne het opgestaan en ons het so rus rus gaan stort en begin oppak. Ek moet Natuurbewaring ‘n groot pluimpie gee. Hulle geriewe is baie netjies en man was die warm stort lekker. Ons het opgepak en besluit om in die pad te val aangesien ons nie weet wat die dag mag inhou nie.

20160501_080846 20160501_080800 20160501_080812 20160501_080819 DSC_0192 DSC_0184 DSC_0187 DSC_0189 Ultimate_HDR_Camera_20160501_071805 Ultimate_HDR_Camera_20160501_071823

Die oggendlug was bitter mooi en in die berge het 2 troppe bobbejane met mekaar sit en redekawel. Daar was bewyse teen die deure by die badkamer dat hulle in die nag besoek kom aflê het. Die uittog het aansienlik gouer gegaan as die in-tog. Daar was redelik verkeer op die pad en ek kan soos ek hier sit en skryf, nou nog nie verstaan hoekom sommige dubbeldoel-motorfietsryers nie by die padreels hou nie. Almal het gekla oor manne wat aan die regterkant van die pad teen mal snelhede om blinde draaie kom. Sulke goed laat my gelyktydig yskoud en sommer my bloed ook kook. Ons het almal veilig die pad terug na die kruin van Swartberg pas bereik.

DSC_0211 DSC_0195 DSC_0198 DSC_0202 DSC_0203 DSC_0205 DSC_0206 DSC_0207 DSC_0209

Na ‘n fotosessie bo by die kruin is ons af teen die pas. Die voorstel was dat ons by Kobus se Gat stop vir ‘n koue verversinkie.

IMG_7460 IMG_7461 IMG_7462 DSC_0216 DSC_0214

Van hier het ons so stukkie teerpad gehad en vandaar die mooiste grondpad tot by Calitzdorp. Hierdie agterpaadjies is juweeltjies en word amper nooit deur die normale vakansie-reisiger verken nie. Op Calitzdorp het ons gou almal volgemaak. Van hier ry mens met die mooi Roete 62 en ek het voor gevat. Toe almal ge-regroup het, het ek die 1150 slag oopgetrek. En sommer van voor af verlief geraak op my fiets. Hy trek soos ‘n stoomtrein en hanteer soos ‘n go-kart! Deur die Huisrivierpas het ek begin om die ander te verloor. Ek het weer bietjie my spoed aangepas en die manne het almal so saam-saam afgedraai na Seweweekspoort. Ons het gery tot by die bord en eers afgeklim om effe te rus.

DSC_0222 DSC_0223 DSC_0224 DSC_0225 DSC_0219 DSC_0221

20160501_151106 20160501_151051

DSC_0228 DSC_0226 DSC_0227

Die horlosie het al knap na 3 gewys en ons het besluit om Seweweekspoort die volgende oggend te doen. Die manne was redelik dun om die middel aangesien ons nog nie eintlik middag-ete gehad het nie. Met die aankom in Ladismith sou ons net gou geld trek. Toe trek die Steers ons oege, en wat is dan nou lekkerder as ‘n Steers chippie??? Sit kaassous by en jy het ‘n wenner! 6 Steers Cheezy Chips. Hoekom, want ons is mos maklike mense. Na ‘n dag van niks eet nie was dit ‘n wenner. Met so ‘n kwart van die gaatjie gevul het ons koers gekies Koedoeskloof toe.

Dit was sommer ‘n lekker kort rit. Met die aankoms by Koedoeskloof het ons een of 2 BMW 1200’s bespeur en ‘n gros KLR’s. Eugene ook beter bekend as Veldbrand op Wilddogs forum het ons met die afklimslag kom welkom heet en ons het reguit koers gekry Dwarsbar toe vir ietsie vir die keel. Kaptein en Coke het soet gesmaak!

DSC_0234 DSC_0235 DSC_0236 DSC_0237

DSC_0238 DSC_0233 DSC_0241

Ou Koffietjie.

Halfpad deur die Kaptein het ek opgestaan en voorgestel dat ons ons slaapplek gaan regkry. Veldbrand het ons gewys waar ons kan kamp opslaan en kort voor lank staan die tente. Al wat ek kan sê. Pasop vir die sponsdoring. Van die manne het gou deur die stort gespring. Ons het met die tente opgeslaan weer afgesit Dwarsbar toe. Die Dwarsbar is bekend vir sy burgers, so wat anders kan ons dan nou eet as ‘n burger??

DSC_0232 DSC_0231 20160502_065429 20160501_180006 20160501_180017 20160501_180023 20160501_180118 20160501_180153 20160501_180205 20160502_065427(0)

Dubbel-en-dwars Burger met chips en ‘n bloukaas sous. TO-DIE-FOR!!! Die manne het omtrent weggelê aan die burgers.

DSC_0244  DSC_0242

Spykerkuif se hare was lanklaas so plat

DSC_0245

Met elke gaatjie in ons innerlike gevul het ons, ons beddens gaan opsoek. Die KLR manne het alreeds diep gesnork. Gedreun soos hulle fietse. Thumpers in die spreektaal of eensilinders.

Wikkels het die stort so net na 11 gaan uittoets en stomende warm water gevind. Ek het ook besluit om ‘n lekker warm stort te vat voor ek gaan oege rus. Ek het half ‘n onrustige nag gehad maar darem so tussendeur geslaap. Die oggend het die KLR manne vroeg al geroer. Ons wou ook vroeg wegkom aangesien ons ook ‘n redelike lang pad voor ons gehad het.

DSC_0253 DSC_0256 DSC_0250

KLR Clan se manne. ‘n lekker vriendelike span manne.

Die KLR manne is vol dinge en grappe en het een van hulle manne se clutch lever vasge-cabletie. Hy het dit eers agtergekom toe hy in volle kit op die fiets gesit het reg om weg te trek!

20160502_075716 20160502_075719

20160502_080028

Spykerkuif se maag was effe ongesteld die laaste 2 dae. Ons het ‘n meer komiese oomblik gehad toe ek hom vra of ek vir hom iets kan gee vir sy maag. Ek ry altyd ‘n Medic Kit saam en daar was Immodiums in. Spyker het gesê hy sal graag ‘n pilletjie wil hê. Ek deel hom toe mee dat dit setpille is. Daar was so oomblik van stilte en toe die antwoord: “Nee wat Swaerie, los dan maar eerder.” Ek kon my lag nie hou nie en het die ou maar gaan uithelp met 2 Immodiums.

DSC_0249

Hier oorhandig Callie die Putty-cup aan Spykerkuif.

Eugene het kom se hulle is reg vir ons en ons het ingeskuif vir ‘n ordentlike ontbyt.

20160502_081021 20160502_081053

Na ontbyt het ons gou ons rekeninge betaal en teruggery Ladismith toe. Weer volgemaak en koers gekies Seweweekspoort toe. Die vroee oggendlug was verfrissend en Seweweekspoort is bitter mooi. Ek en Spykerkuif het albei ‘n grot in die berg gesien en dit dadelik gesien vir die perfekte foto-geleentheid.

20160502_092152 20160502_092253 DSC_0265

Letterlik 2 draaie verder het die manne teen die pad gestaan. Ons het gestop en toe is die gala aan. ‘n Muskeljaatkat is ‘n dag of 2 terug raakgery en was al styf van Rigor Mortis. (No animals were harmed in the taking of photographs)

IMG_7489 IMG_7492 IMG_7493

Die klomp was weer in ‘n mal bui: Volgens hulle: ‘n Oomblik van Stilte vir Kat.

20160502_093322 20160502_093327 20160502_093354 20160502_093100 20160502_093114 20160502_093233 20160502_093310

IMG_7488

Deur die poort het die pad oopgemaak en gevloei soos ‘n teerpad. Ons het ‘n gemiddelde spoed van so 100-120km/h gehandhaaf op die grondpad. By die Ladismith afdraai het ons eers gestop.

DSC_0266 DSC_0267 DSC_0269

Van hier is ons Anysberg verby tot by die afdraai Montagu toe. Callievalliehyglynet het veral uitgesien na die afdraai aangesien daar ‘n uitgrawing is waar hy in die modder kan gaan speel.

 

DSC_0271 DSC_0274 DSC_0275

http://%5BURL=http://tinypic.com/m/jb2yis/1%5DView My Video[/URL]

Nou ja die fotos en die video vertel die storie! Callieglyniehyvalook het toe stukkie grond gekoop in die Karoo. Terwyl ons hier staan het daar nog 2 manne op 1200’s gestop. Een effe geset en die ander een ‘n maer frikkie met ‘n optrekneus. Hulle het so 3 woorde gesels en in die pad geval. Nie ver af in die pad nie  kom ons deur ‘n laagwaterdriffie en hier staan ‘n Golfie met Kaapse registrasienommer. Vrou klim uit en se hulle het gaan staan sonder petrol. Of ons nie kan pype gee sodat hulle petrol êrens kan kry nie, en toe vra sy of ons haar nie ‘n geleentheid kan gee na die volgende dorp nie. Nou vra ek myself af: Hoe gaan staan jy 20km buite die dorp sonder petrol as die volgende dorp 140km verder le?? Ons het haar gesê daar kom gereeld boere verby en sy sal sommer gou gehelp word en in die pad geval.

Ons het later by Eyerpoort eers weer bietjie gestop. Dis ‘n plaas wat die groep besit waarvoor Hommel werk. Sak was wyd vooruit en het teruggedraai en ons daar by die indraai kom kry. Spykerkuif het video gevat van Sak wat verbyry. Net verby ons draai die ou om en DOEF. Sit hy sy fiets al staande op sy sy neer.

Die 2 frikkies op die 1200’s het op ‘n kol teen die pad gestaan en die voorste manne in ons groep is by hulle verby. Nie lank na dit nie kom hulle weer die manne verby. Nou kyk, as jy hierdie man die hel in wil he, kom jaag by my verby op ‘n grondpad en gooi my voertuig onder klippe. Die maergat wipneus frikkie het glo die manne verbygegaan en toe hy net verby is oopgemaak en die manne onder klippe gegooi. Seker so 40km buite Montagu is ons die meer gesette een van die 2 verby. Omtrent al uit al sy biker klere. Hy het darem gewys hy is OK. Ons het Ouberg pas rustig gesak.

20160502_132739 20160502_132724 20160502_132736 20160502_132737

DSC_0284 DSC_0285 DSC_0283

Amper in Montagu staan die maer frikkie toe. Stop my nogal en vra. “Have you seen a guy on a red 1200??” Ek was toe reeds so effe kort van draad aangesien Philip gese het van die jannie wat hule so onder klippe gery het. My antwoord was as volg. Ja, het hom so 40km terug gesien. In mooi Afrikaans. Nou as ‘n mens se gesig ‘n vraagteken kan wees, was syne een. Voor hy nog verder ‘n woord kon se het ek sommer weggetrek.  As jy 40km vir jou pel wegry en julle is net 2? Dan moet jy sommer by die huis bly en obviously is julle vriendskap nie so heg nie.

Witvos het nader gestap aan 50000km op die klok. Ons stop by die padwerke was net voor 50000km. Witvos sou oorslaan net mooi in die middel van die pas in die middel van die padwerke.

DSC_0287 DSC_0288 DSC_0290

DSC_0291

Ek het besluit ek gaan hierdie foto nie mis nie. Sommer midde die padwerke afgetrek en gou die foto gekiek. Ek het sommer gou weer by die manne aangesluit waar hulle by die Stop/Go gewag het.

DSC_0295

Ou Sak het sommer afgeklim want hy skuld ons al die hele naweek ‘n grappie. Dis lekker om ‘n varkie te is, te is.

Die langnaweek het einde se kant toe gestaan en die karre het van die Kaap tot Kairo gestrek. En die padwerke het nie veel gehelp nie.

DSC_0301 DSC_0303 DSC_0298  DSC_0300

Toe ons uiteindelik uit Ashton is het ons maar so bietjie die pap aangemaak Robertson toe. Ons het gou vol petrol gemaak en sommer bande gepomp.  Snaaks genoeg was die manne lus vir Sushi by Bourbon Street. Seker 15min nadat ons gestop het, het ons ‘n kelnerin opgespoor. Spykerkuif het gesê hy gaan in die pad val Worcester toe want dit was Jeanne se verjaarsdag. Ons het gegroet en die Africa Twin het mooi musiek in die Hoofpad af gemaak.

DSC_0304 DSC_0305

20160502_144217

10min later het ons al die manager binne gaan vra of ons dalk iemand kan kry om ons te help. nog 5 min later het ons soos een man opgestaan en ons goed gevat en gery. Hommel het in styl op die agterwiel Mens kan nie kla oor die diens nie. Want daar is geen diens nie. By die Spur aangekom is ons ons tafel gewys. Sommer met die sitslag het ons besluit wat ons wil eet en drink. letterlik 5min later het die kelnerin ons drankies gebring. Sak het nog ‘n opmerking gemaak dat sy nie te lank met die kos moet maak nie. Haar antwoord: “Meneer julle kos is reeds klaar.” Nou magtag man, DIS MOS DIENS. So 10 uit 10 vir die Spur in Robertson.

DSC_0308

Philip wou nie opdaag vir ete nie.

Na ons trommeldik was het ons koers gekies Kaap toe. Hommel het sommer agterpaaie gekies. Ons het gegroet en die 4-manskap het die verkeer Kaap toe aangedurf. Gelukkig ken ons al die agterpaaie en het sommer by Overhex afgedraai Aan de Doorns toe. Vandaar Nekkies om Rawsonville toe en toe Du Toitskloof Pas oor. Bo-op die pas het ons gestop en vir oulaas gegroet en ‘n laaste foto geneem.

Ultimate_HDR_Camera_20160502_163819 Ultimate_HDR_Camera_20160502_163843 DSC_0310 DSC_0312DSC_0311

In totaal gaan jy 5903 woorde lees.

Afstand wat ons gedoen het volgens my fiets se speedo was 1352km.

Petrol koste: R1160.61

Petrol gebruik: 94.06liter

Gemiddelde Brandstofverbruik: 14.36km/l

Tot ‘n volgende keer.

Matewis oor en uit.

10 thoughts on “Karoo Kinkels

  1. Kat, ek en my vriend Kalie het die spoorpad van Saldanha tot in Sishen al gery. Sou ook back-up speel vir ‘n groep motorfietsers wat dit wou doen – het ook toestemming van Trans/Spoornet gekry. (dis nie sommer so nie) Die hoofman van die fietsers Tobie Vosloo van Wesvos (‘n sub-kontrakteur vir Transnet) het egter siek geword – maar ons sal weer eendag so ding aanmekaarslaan – dan laat ek jou weet. Johan Bakkes

    Liked by 1 person

    1. Goeie more Johan. Die wêreld is klein. Ek sê al lankal ek wil so iets aanpak. Een van Tobie se vriende het dit op ‘n forum raakgelees en so is ek saamgenooi. Toe ek hoor die skrywer Johan Bakkes gaan saam was dit die kersie op die koek. Ek kon een van my drome bewaarheid, naamlik van Saldanha tot in Sishen ry en dit sama met n groot gees soos Johan Bakkes. Was nogal teleurgesteld toe Tobie my laat weet. Nou gaan ek verseker wag vir daardie uitnodiging en die trip legendaries maak. Jaco Matthee

      Like

  2. Seker tien jaar terug die pad met ‘n Toyota Hi lux aangedurf. ‘n Enkelte motorfietsryer in die Hel teegekom wat toe op daardie stadium so op sy eie ‘n sirkeltoer onderneem het op deur Botswana, teen die Wes-kus af. Al 5000km op die klok gehad het. Maar so ‘n groeptoer soos julle s’n kan net ideal wees. Lekker gedeel in jou belewenis. Dankie.

    Like

    1. Ons beplan hoeka weer n toer na Brakkie se Veldkombuis buite Loeriesfontein Einde September. En dis basaar naweek so almal is omtrent opgewonde!

      Like

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s